រាជធានីភ្នំពេញ ៖ កិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់របស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រី កាលពីព្រឹកថ្ងៃទី២៤ ធ្នូ ២០១០ បានឯកភាពសំរេច ៖
១-សេចក្តីព្រាងអនុក្រឹត្យចំនួន៣របស់អង្គភាពប្រឆាំងអំពើពុករលួយ ។
៣.១-សេចក្តីព្រាងអនុក្រឹត្យស្តីពីការរៀបចំនិងការប្រព្រឹត្តទៅរបស់អង្គភាពប្រឆាំងអំពើពុករលួយ ។
៣.២-សេចក្តីព្រាងអនុក្រឹត្យស្តីពីការគ្រប់គ្រង និងចាត់ចែងថវិការបស់ស្ថាប័នប្រឆាំងអំពើពុករលួយ ។
៣.៣-សេចក្តីព្រាងអនុក្រឹត្យស្តីពីរូបសញ្ញា និងត្រារបស់ស្ថាប័នប្រឆាំងអំពើពុករលួយ ។
២-សេចក្តីព្រាងអនុក្រឹត្យស្តីពីការបង្កើតគណៈកម្មការជាតិអ្នកជំនាញទេសចរណ៍ ។
៣-សេចក្តីព្រាងអនុក្រឹត្យស្តីពីការរៀបចំ និងការប្រព្រឹត្តទៅរបស់មជ្ឈមណ្ឌលមាត្រាសាស្ត្រជាតិ ។
៤- បញ្ហាផ្សេងៗ ៖ សំណើសុំការយល់ព្រមពីគណៈរដ្ឋមន្ត្រី ដើម្បីសុំសច្ចាប័នពីស្ថាប័ននីតិប្បញ្ញត្តិ លើ «លិខិតធានារបស់រាជរដ្ឋាភិបាលនៃព្រះរាជណាចក្រកម្ពុជា ឱ្យក្រុមហ៊ុនអគ្គិសនីវៀតណាម សំរាប់គំរោងទិញអគ្គិសនីតាមរយៈខ្សែបញ្ជូនអគ្គិសនីតង់ស្យុង ខ្ពស់២២០គីឡូវ៉ុល អានុភាព២០០មេហ្គាវ៉ាត់ ពីក្រុមហ៊ុនអគ្គិសនីវៀតណាម តភ្ជាប់ពីអនុស្ថានីយចូវដុក-វៀតណាម ឆ្លងតាមច្រកព្រំដែនភ្នំដិន-កម្ពុជា មកខេត្តតាកែវ-ភ្នំពេញ» ៕
